MƏHDİ (ə.f)-un GƏLİŞİ TƏKCƏ İSLAMA VƏ MƏXSUSƏNDƏ ŞİƏLIYƏ XAS İNANCDIRMI?
Asimani şərtlərin yekdil fikirdə olduğu məsələlərdən biri də dünya səviyyəsində bir islahatçının gəlişidir ki, zəmanənin axırlarında zühur edəcəkdir. Takcə islam cəmiyyətlərində deyil, yəhudi və məsihi cəmiyyətlərində də dünya səviyyəli belə bir ədalət hakiminin gəlişi gözlənilir. “Əhdi-ətiq (Tövrat) və Əhdi – cədid” (incil) kitablarına müraciət etməklə bu həqiqət aydınlaşır.¹ Islam mühəddisləri Peyğəmbəri Əkrəm (s) belə buyurduğunu nəql etmişlər: “Əgər dünyanın axırına hətta bir gün qalmış olsa belə Allah mənim Əhli-beytindən olan bir nəfəri seçəcək, o, yer üzünü haqsızlıq və zülm ilə dolduğu kimi haqq-ədalətlə dolduracaqdır.”² Deməli, yuxarıda da qeyd olunduğu kimi, belə bir islahatçının gəlişinə etiqad bəsləmək asimani şəriət sahiblərinin fikir birliyidir. Eləcə də sünnülərin “Sihah” və “Müsnəd” kitablarında vədəsi verilmiş Məhdi ilə əlaqədar çoxlu rəvayətlər nəql edilmiş, hər iki firqədən (sünnü ya şiə) olan islam məhəqqiqləri və mühəddisləri o həzrətin barəsində çoxlu kitablar yazmışlar.³ Bu rəvayətlərin məcmusu o həzrətin xüsusiyyətlərini və əlamətlərini elə dəqiq şəkildə müəyyən edir ki, o ,yalnız imam Həsən Əskəri (ə) övladına və şiələrin on ikinci imamına uyğun gəlir.⁴ Bu rəvayətlərə əsasən o həzrət, Peyğəmbəri Əkrəmlə (s) eyni adladı.⁵ On ikinci rəhbər ⁶ və Hüseyn ibni Əbi Talib (ə) nəvələrindəndir.⁷
QURANDA VƏ MÜASİR ELMDƏ UZUN ÖMÜRLÜLÜYƏ DƏLİL SÜBUT VARMI ?
Vədəsi verilmiş Məhdi 255-ci hicri ilində Allahın əmri ilə dünyaya gəlmişdir və hal-hazırda da sair insanlar kimi, tanınmaz halda öz həyatını davam etdirir. Qeyd olunmalıdı ki, bu qədər uzun ömür nə elm ilə ziddir, nə də vəhy məntiqi ilə. Müasir elm insanların təbii ömürlərini artırmaq qərarına gəlib. Alimlər inanırlar ki, insanların uzun müddət yaşamağa qabiliyyəti vardır. Əgər müəyyən bəlaların və xəstəliklərin qarşısı alınarsa ömrün daha çox artırılmasına imkan yaranacaq. Tarixdə də uzun ömür sürən şəxslərin adı qeyd olunmuşdur. Quran həzrəti Nuh barəsində buyurur: “Nuh öz qövmü arasında min ildən əlli il əskik (950 il) yaşadı.”⁸ Həzrəti Yunis (s) barəsində buyurulur: “Əgər o, təsbeh edənlərdən olmasaydı qiyamət gününə qədər onun (balığın) qarnında qalardı.”⁹ Həmçinin Xızır (ə) və İsa (ə) da Quran nəzərindən və bütün dünya müsəlmanlarının fikir birliyinə əsasən diridir və öz həyatlarını davam etdirirlər.
Seyyid Rza Nüseyninəsəb (Ayətullah Cəfər Sübhaninin nəzarəti altında )
Şübhələrə cavablar kitabından.
¹ Əhdi ətiq, Məzamiri Davud, Məzmur -96 və 97, Kitabi Daniyal Nəbi, 12-ci bab. Əhdi cədid Mətta İncili, bab 24; Mərqos incili, bab 13, Luka İncili, bab 21 “Dünyanın gəlișini gözlədiyi şəxs” kitabından nəqlən,
² Sahihi əbu Davud, Misir çapı, əl-Mətbəətut-taziyyə, 2-ci cild, səh.207, Yənabiul-mavaddət , səh-432, Nurul əbsar, səh.154.
³ Məsələn; Əl-bəyan fi əxbari Axirizzəman (Məhəmməd ibni Yusif ibni Gənci Şafei; Əl burhan fi əlamati Məhdi Axirizzəman (Əii ibni Hisamuddin, Məttəqi Hindi adı ilə məşhurdur), Əl-Məhdi vəl-Məhdəviyyə (Əhməd Əmin Misri)
⁴ Yənabiul-Məvəddət 76-cı bab
⁵ Səhihi Tirmizi, Dehli çapı, 1342-ci il, 2-ci cild, səh.46; Müsnədi Əhməd Misir çap1, 1313-cü il, 1-ci cild, səh 376
⁶ Yənabiul-Məvəddət, səh.443
⁷ Yenə orada
⁸Ənkəbut surəsi, ayə:14
⁹Saffat surəsi,ayə 144